Ոստիկանության Կոտայքի բաժնի հետաքննական բաժանմունքում նյութեր են նախապատրաստվում երեկ՝ սեպտեմբերի 5-ին, ոստիկանության Կոտայքի բաժին ստացված ահազանգի փաստով։ Ժամը 21։50-ի սահմաններում Երևանի բնակիչ Լ. Բ-ից ահազանգ է ստացվել, որ նույն օրը, ժամը12։00-ի սահմաններում Կաթնաղբյուր գյուղի 2-րդ փողոցում անհայտ անձը հրացանից կրակել է 2 շների վրա։

Ինչպես հայտնում է shamshyan.com-ը, ահազանգով մեկնած ոստիկանության Կոտայքի բաժնի ծառայողները պարզել են, որ շներից մեկը սատկել է, իսկ մյուսը վիրավոր է։ Ոստիկանության Կոտայքի բաժինը ձեռնարկում է անհրաժեշտ միջոցառումներ՝ արարքը կատարած անձին և հրացանը հայտնաբերելու ուղղությամբ։