Նովոռոսիյսկի նավահանգիստը գիշերային ժամերին սահմանափակել է նավերի մուտքն ու ելքը՝ անօդաչուների հարձակումների պատճառով

Նովոռոսիյսկի նավահանգիստը ժամանակավորապես արգելել է նավերի մուտքն ու ելքը գիշերային ժամերին՝ անօդաչու սարքերի հնարավոր հարձակումների պատճառով։ Այս մասին հայտնում է Reuters-ը՝ հղում անելով գյուղատնտեսության ոլորտի երեք աղբյուրների։

Սահմանափակումները գործում են ամեն օր՝ կեսգիշերից մինչև առավոտյան ժամը 5-ը։ Մնացած ժամանակահատվածում նավահանգիստը շարունակում է աշխատել սովորական ռեժիմով։

Գործակալության աղբյուրների փոխանցմամբ՝ համապատասխան կարգադրությունը փոխանցվել է բանավոր, իսկ բեռնափոխադրողներին պաշտոնական փաստաթղթեր չեն ուղարկվել։

Reuters-ի հարցումներին Ռուսաստանի տրանսպորտի նախարարությունը և նավահանգստի վարչակազմը չեն պատասխանել։

Նշվում է, որ սահմանափակումները կապված են անօդաչու սարքերի հարձակումների հետ կապված անվտանգության միջոցառումների հետ։