ՖԻՖԱ-ի նախագահը՝ ՄԱԿ-ի գլխավոր քարտուղա՞ր. Թրամփը պատրաստվում է առաջադրել Ինֆանտինոյին

ԱՄՆ նախագահ Դոնալդ Թրամփը, Աշխարհի առաջնության ընթացքում Ջանի Ինֆանտինոյի հետ ունեցած մտերմությունից ելնելով, մտադիր է առաջադրել նրա թեկնածությունը ՄԱԿ-ի գլխավոր քարտուղարի պաշտոնի համար:

Միացյալ Նահանգների ղեկավարի համոզմամբ՝ Ինֆանտինոն տիրապետում է այդ պաշտոնի համար անհրաժեշտ բոլոր հատկանիշներին։ Թրամփը դրական է գնահատել ՖԻՖԱ-ի նախագահի՝ մարդկանց հետ շփվելու և ընդհանուր լեզու գտնելու կարողությունը՝ ընդգծելով, որ նրան հարգում են աշխարհի բազմաթիվ պետություններում։

Ինֆանտինոյի թեկնածությանը կողմ է արտահայտվել նաև Գլոբալ գործընկերության հարցերով ԱՄՆ հատուկ ներկայացուցիչ Պաոլո Զամպոլլին.

«Միավորված ազգերի կազմակերպությունում ստիպված եք աշխատել 193 անդամ պետությունների հետ: ՖԻՖԱ-ում դրանք ավելի քան 200-ն են. Ջանիի տպավորիչ պատմությունը ցույց է տալիս, որ նա կարողանում է ղեկավարել նման կառույցներ»: