ԱՄՆ-ում ստուգում են՝ արդյոք Ռուսաստանն աջակցել է Իրանի հարձակումներին

ԱՄՆ հետախուզական ծառայությունները ուսումնասիրում են, թե արդյոք Ռուսաստանը մասնակցություն է ունեցել Պարսից ծոցի տարածաշրջանում Իրանի իրականացրած անօդաչու թռչող սարքերի հարձակումներին, որոնք թիրախավորել են Կենտրոնական հետախուզական վարչության (ԿՀՎ, CIA) օբյեկտները։ Այս մասին հայտնում է Reuters-ը՝ հղում անելով ԱՄՆ հետախուզությանը  չորս աղբյուրների։

Ամերիկացի վերլուծաբանները դեռ վերջնական եզրակացության չեն եկել Ռուսաստանի հնարավոր ներգրավվածության վերաբերյալ։ Սակայն նրանք ուսումնասիրում են՝ արդյոք Մոսկվան Իրանին տրամադրել է թիրախավորման տվյալներ կամ կատարելագործված անօդաչու տեխնոլոգիաներ։

Արևմտյան հետախուզական կառույցներից մեկի ներքին զեկույցում նշվում է, որ Ռուսաստանը, դեր է ունեցել ԿՀՎ օբյեկտների թիրախավորման հարցում։

 Սաուդյան Արաբիայում կիրառվել են ռուսական տեխնոլոգիաներով կատարելագործված իրանական «Շահեդ» անօդաչու սարքեր։ Նրանց տվյալներով՝ առաջին անօդաչուն վնասել է դեսպանատան արտաքին հատվածը, իսկ երկրորդը ներթափանցել է առաջացած բացվածքով և պայթել։ Զոհերի կամ վիրավորների մասին տեղեկություններ չեն հաղորդվել։

Ռուսաստանը նախկինում ևս աջակցել է Իրանին՝ կատարելագործելով «Շահեդ-136» անօդաչուների ճշգրտությունը, այդ թվում՝ «Կոմետա-Մ» արբանյակային նավիգացիոն համակարգի միջոցով։ Կրեմլը նախկինում հերքել էր այդ տեղեկությունները՝ դրանք անվանելով «կեղծ լուրեր»։