ՄԱԿ-ում ԱՄՆ ներկայացուցիչը հայտարարել է՝ Թրամփը փորձում է ավարտել Ուկրաինայի պատերազմը

ԱՄՆ նախագահ Դոնալդ Թրամփը փորձում է անել հնարավոր ամեն ինչ՝ Ուկրաինայում պատերազմը դադարեցնելու և խաղաղ կարգավորման հասնելու համար։ Այս մասին հայտարարել է ՄԱԿ-ում ԱՄՆ մշտական ներկայացուցիչ Մայք Ուոլթցը։ Այս մասին հայտնում է ՏԱՍՍ-ը։

ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի լսումների ժամանակ Ուոլթցը նշել է, որ Թրամփի վարչակազմը շարունակում է ճնշում գործադրել՝ հակամարտության ավարտին հասնելու համար։

«Նախագահը անում է ամեն ինչ, ինչ կարող է, որպեսզի վերջ դնի պատերազմին», - ասել է նա։

Միաժամանակ ԱՄՆ ներկայացուցիչը նշել է, որ կողմերը դեռևս պատրաստ չեն ընդունել վերջնական համաձայնագիր։

Ուոլթցը նաև փաստացի ընդունել է, որ Թրամփը նախկինում թերագնահատել էր հակամարտության կարգավորման բարդությունը, երբ խոստանում էր կարճ ժամկետում լուծել Ուկրաինայի հարցը։

«Նախագահը պարզել է, որ սա չափազանց բարդ խնդիր է, չնայած այն անհավանական ջանքերին, որոնք անձամբ նա և իր թիմն են գործադրում», - ասել է ՄԱԿ-ում ԱՄՆ մշտական ներկայացուցիչը։