ԱՄՆ Արդարադատության նախարարությունը հետաքննություն է սկսել Մինեսոտայի նահանգապետ և քաղաքապետի նկատմամբ
ԱՄՆ Արդարադատության նախարարությունը հետաքննություն է սկսել Մինեսոտայի նահանգապետ Թիմ Ուոլցի և Մինեապոլիսի քաղաքապետ Ջեյքոբ Ֆրեյի (երկուսն էլ դեմոկրատներ) նկատմամբ՝ դաշնային ներգաղթային գործակալների աշխատանքը խոչընդոտելու դավադրության կասկածանքով,հայտնում են BBC-ին և CBS-ին։
Միաժամանակ, հաղորդվել է, որ Դաշնային շրջանային դատավոր Քեթրին Մենենդեսը արգելել է Մինեսոտա ուղարկված ներգաղթի և մաքսային ծառայության (ICE) հազարավոր գործակալների ձերբակալել խաղաղ ցուցարարներին և նրանց դեմ պղպեղի սփրեյ օգտագործել։
Նահանգում բողոքի ցույցերը սրվեցին այն բանից հետո, երբ ICE գործակալը անցյալ շաբաթ Մինեապոլիսում կրակեց և սպանեց 37-ամյա բանաստեղծուհի Ռենե Նիկոլ Գուդին։
