Բաքվում պահվող հայ գերիների նկատմամբ կրոնական խտրականություն է դրսևորվում. Սիրանուշ Սահակյան
Իրավապաշտպան Սիրանուշ Սահակյանն այսօրվա ասուլիսում հայտարարել է, որ Բաքվում պահվող հայ գերիների նկատմամբ կրոնական խտրականություն է դրսևորվում։ Ըստ նրա՝ թեև որոշ գրքեր թույլատրվում են, սակայն արգելված է Աստվածաշունչ փոխանցել ինչպես Ռուբեն Վարդանյանին, այնպես էլ մյուս բանտարկյալներին։
Սահակյանը նշել է նաև, որ առգրավվել են կրոնական բոլոր խորհրդանիշները, իսկ որոշ դեպքերում նույնիսկ այրել են գերիների մարմնի վրայի կրոնական դաջվածքները։ Ըստ իրավապաշտպանի՝ սա վկայում է այն մասին, որ քրիստոնեական պատկանելությունը գործոն է հայ բանտարկյալների նկատմամբ վատ վերաբերմունքի հարցում։
