Վոլոդինն առաջարկել է պատգամավորներին արձակուրդների փոխարեն մեկնել ռազմական հավաքների

Պետդումայի նախագահ Վյաչեսլավ Վոլոդինն առաջարկել է պատգամավորներին արձակուրդների փոխարեն մեկնել ռազմական հավաքների, Պաշտպանության նախարարությունում գաղափարին աջակցել են։

«Այնուամենայնիվ պաշտպանության նախարարությունը ևս պետք է քաղաքական գործիչներին առաջարկի ավելի մոտ լինել Զինված ուժերին, հասկանալ Զինված ուժերի շինարարությունը և շատ այլ բաներ, ուստի մշակեք ռազմական հավաքների վերաբերյալ հարցը։ Իսկ մենք ցուցակները կպատրաստենք», - ասել է Վոլոդինը չորեքշաբթի օրը Պետդումայի նիստում։

Նրա խոսքով՝ պատգամավորների համար նման հավաքներ կարելի էր անցկացնել արձակուրդների փոխարեն։

Վոլոդինը կարծում է, որ ռազմական հավաքներին մասնակցությունը կնպաստի նրան, որ «շատերն ավելի պատասխանատու կմոտենան նման օրինագծերի քննարկմանն ու ընդունմանը»։

«Քաղաքական գործիչը, եթե ընտրվել է և որոշումներ է կայացնում ժողովրդի անունից, պետք է բազմակողմանի պատրաստված լինի։ Չէ՞ որ ոչ բոլորն են ծառայություն անցել Զինված ուժերում և ունեն զինվորական հաշվառման մասնագիտություն, ուստի դա անհրաժեշտ է։ Եվ տեսնում եմ, որ նման պահանջարկ կա», - ասել է Պետդումայի նախագահը։