ԼՂ-ից տեղահանված ընտանիքներում 2026 թվականին ծնված երեխաները նույնպես կդառնան բնակծրագրի շահառու. «Փաստինֆո»
Լեռնային Ղարաբաղից բռնի տեղահանված ընտանիքներում 2026 թվականին ծնված երեխաները նույնպես կդառնան «Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի» շահառու։ Այս մասին «Փաստինֆո»-ի հետ զրույցում ասել է Աշխատանքի և սոցիալական հարցերի նախարարի մամուլի քարտուղար Նվեր Կոստանյանը։
Հիշեցնենք, որ ըստ ՀՀ կառավարության որոշման Արցախից բռնի տեղահանված քաղաքացիներից յուրաքանչյուրին տրամադրվում է 3, 4, կամ 5 միլիոն դրամ աջակցություն՝ կախված բնակության վայրից։
