Այս ամենը երկրի դեմ ահաբեկչական պատերազմ է. Աբբաս Արաղչի
Այն, ինչ հիմա տեղի է ունենում, բողոքի ցույցեր չեն, այլ երկրի դեմ ահաբեկչական պատերազմ։ Երկրում իրավիճակն այժմ լիովին վերահսկողության տակ է։ Այս մասին հայտնել է Իրանի ԱԳ նախարար Աբբաս Արաղչին:
Հիշեցնենք` Իրանում բողոքի զանգվածային ակցիաներ են անցկացվում դեկտեմբերի 28-ից։ Դժգոհության հիմնական պատճառները փոխարժեքի տատանումներն են ու գների բարձրացումը։ Իրանի ԿԲ-ի տվյալներով՝ գնաճի տարեկան ցուցանիշը հասել է 38,9 տոկոսի, ազգային արժույթը կտրուկ արժեզրկվել է։ Մի շարք քաղաքներում բողոքի ակցիաները վերածվել են ոստիկանության հետ բախումների։
