Հայաստանում Ռուսաստանի դեսպանատունը՝ Սոլովյովի արած հայտարարությունների մասին
ՀՀ-ում Ռուսաստանի դեսպանատունը հաստատել է ՌԴ դեսպան Սերգեյ Կոպիրկինի կանչը ՀՀ արտաքին գործերի նախարարություն և նշել, որ նրանք կփոխանցեն հայկական կողմի մտահոգությունները «Սոլովյով ուղիղ եթերում» հաղորդման ժամանակ նրա արած հայտարարությունների վերաբերյալ։
Երևանում Ռուսաստանի դիվանագիտական առաքելությունից ՏԱՍՍ-ին հայտնել են, որ ՌԴ դեսպանն իսկապես կանչվել է ՀՀ արտաքին գործերի նախարարություն, որտեղ նրան բողոքի նոտա է ներկայացվել ռուս հաղորդավար Վլադիմիր Սոլովյովի արած հայտարարությունների վերաբերյալ։
«Այո, իսկապես, մենք հաստատում ենք։ Դեսպանը կանչվել է ՀՀ արտաքին գործերի նախարարություն։ Նրան բողոքի նոտա է ներկայացվել։ Հայկական կողմի մտահոգությունները Սոլովյովի հայտարարությունների վերաբերյալ կփոխանցվեն ՌԴ արտաքին գործերի նախարարություն», - գործակալությանը հայտնել են ՀՀ-ում Ռուսաստանի դեսպանատանը։
