Թուրքական հյուրանոցում հրդեհի հետևանքով զոհերի թիվը գերազանցել է 70-ը

Թուրքիայի հյուրանոցներից մեկում բռնկված ուժգին հրդեհի հետևանքով զոհերի թիվը գերազանցել է 70-ը: Այս մասին գրում է РИА Новости–ն:


Տեղեկությունը լրատվամիջոցներին հայտնել են երկրի պատկան մարմինները: Նշվում է, որ հրդեհի հետևանքով զոհերի թիվը այս պահի դրությամբ 76 է: 

Հիշեցնենք, որ թուրքական Բոլու Կարտալկայա լեռնադահուկային կենտրոնի հյուրանոցներից մեկում հրդեհ է բռնկվել: Նախապես հաղորդվում էր, որ 6 մարդ զոհվել է, 30-ը՝ վիրավորվել։ 

Հյուրանոցում հրդեհի ժամանակ 234 բնակիչ է եղել։

Նախնական տվյալներով՝ հրդեհը բռնկվել է տեղական ժամանակով ժամը 03:00-ի սահմաններում 7 հարկանի հյուրանոցի տանիքում և արագ տարածվել ամբողջ շենքում։