Սոչիում կրկին երկրաշարժ է եղել
Սոչիի բնակիչները հայտնել են այսօրվա ընթացքում գրանցված արդեն երկրորդ երկրաշարժի մասին: Եղել են ստորգետնյա ցնցումներ, որոնք բնակիչները զգացել են քաղաքի տարբեր թաղամասերում, РИА Новости–ին հայտնել են Միացյալ դիսպետչերական ծառայությունից:
«Այո, հիմա զանգեր ենք ստանում բնակիչներից, կենտրոնում էր, հետցնցում եղավ: ...Դրանք բառացիորեն սկսվել են մոտ չորս րոպե առաջ, հիմա զանգվածային զանգեր կան քաղաքացիներից»,- պարզաբանել է օպերատորը:
Ականատեսների վկայությամբ՝ երկրաշարժը տեղի է ունեցել հանգստավայրի Կենտրոնական թաղամասում՝ Բիթխա միկրոշրջանում։
Ինչպես նշել է Սոչիի սեյսմոլոգիական կայանի ղեկավար Ելենա Կարպովիչը, երեկոյան ցնցումների ընկալունակությունը մոտավորապես չորսից հինգ բալ է։ Մագնիտուդը դեռ ճշտվում է։ Երկրաշարժի էպիկենտրոնը գտնվում է նույն վայրում, որտեղ ցնցումները զգացվել են առավոտյան՝ հանգստավայրի Լազարևսկի թաղամասում։
