Խոշոր հրդեհ Թուրքիայում․ կան զոհեր և վիրավորներ
Թուրքական Բոլու Կարտալկայա լեռնադահուկային կենտրոնի հյուրանոցներից մեկում հրդեհ է բռնկվել: Բոլուի նահանգապետ Աբդուլազիզ Այդընը հայտնել է, որ 6 մարդ զոհվել է, 30-ը՝ վիրավորվել։ Այս մասին հայտնում են թուրքական լրատվամիջոցները։
Հյուրանոցում հրդեհի ժամանակ 234 բնակիչ է եղել։
Այդընը հեռուստաալիքի եթերում հայտնել է, որ մահացածներն ու տուժածները տեղի քաղաքացիներ են:
Նախնական տվյալներով՝ հրդեհը բռնկվել է տեղական ժամանակով ժամը 03:00-ի սահմաններում 7 հարկանի հյուրանոցի տանիքում և արագ տարածվել ամբողջ շենքում։
