Լոս Անջելեսի հրդեհների հետևանքով զոհերի թիվը հասել է 24-ի. ABC News

Ենթադրվում է, որ առնվազն 24 մարդ զոհվել է, ևս մեկ տասնյակից ավելին անհետ կորել են Կալիֆոռնիայում մոլեգնած և չդադարող ուժգին հրդեհների հետևանքով: Այս մասին գրում է ABC News–ը: Նշվում է, որ հրդեհների տարածմանը նպաստում են տեղումների բացակայությունը և քամիները:

Հազարավոր հրշեջներ պայքարում են Լոս Անջելեսի խիտ բնակեցված շրջանի 45 քառակուսի մղոն մակերեսով անտառային հրդեհների դեմ: Ամենամեծը՝ Փասիֆիք Փալիսեյդսում բռնկված հրդեհն է, որը մոխրացրել է մոտ 24000 ակր տարածք, ավերել հազարավոր կառույցներ: 

Մոտ 105,000 մարդ շարունակում է մնալ պարտադիր տարհանման պայմաններում, ևս 87,000-ին տրվել է տարհանման նախազգուշացում: