Թրամփը պաշտպանել է ԱՄՆ պաշտպանության նախարարին․ «Չափազանց գոհ եմ նրա աշխատանքից»

ԱՄՆ նախագահ Դոնալդ Թրամփը հայտարարել է, որ լիովին գոհ է պաշտպանության նախարար Փիթ Հեգսեթի աշխատանքից՝ հերքելով նրա վերաբերյալ տարածված տեղեկությունները։

«Կեղծ լուրերը, ինչպես միշտ, տարածում են կեղծ և ամբողջովին անհիմն խոսակցություններ։ Ես չափազանց գոհ եմ Փիթ Հեգսեթի կատարած աշխատանքից»,- գրել է Թրամփը։

Նա նշել է, որ ԱՄՆ-ի ռազմական գործողությունները, այդ թվում՝ Վենեսուելայի և Իրանի ուղղությամբ իրականացված գործողությունները, իր գնահատմամբ, հաջող են եղել։

Թրամփը նաև քննադատել է The Washington Post-ին՝ պնդելով, որ պարբերականի հրապարակումը Հեգսեթի վերաբերյալ կեղծ է։ Նա հայտարարել է, որ պաշտպանության նախարարը մեծ հարգանք է վայելում զինված ուժերում և բարեփոխումներ է իրականացրել։

Հիշեցնենք, որ ավելի վաղ The Washington Post-ը գրել էր, թե Թրամփը դժգոհություն է հայտնել Պենտագոնի ղեկավար Փիթ Հեգսեթի աշխատանքից և պարզաբանումներ է պահանջել, թե ինչու են  ԱՄՆ զինամթերքի պաշարները այդքան քիչ։ Թրամփը հերքել է այդ տեղեկությունը՝ այն անվանելով կեղծ։

Թրամփը հավելել է, որ Հեգսեթի ղեկավարությամբ ԱՄՆ զինված ուժերում ավելացել է զինծառայողների հավաքագրումը։