Խոշոր վթար Երևան-Աշտարակ ավտոճանապարհին

Այսօր՝ սեպտեմբերի 15-ին, ավտովթար է տեղի ունեցել Երևանում։ Ժամը 17։00-ի սահմաններում 41-ամյա Գագիկ Ղուշչյանը իր վարած ՎԱԶ 21012 մակնիշի ավտոմեքենայով Երևան-Աշտարակ ավտոճանապարհի՝ Հայաստանի կարմիր խաչ ընկերության հարևանությամբ դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բաժանարար գոտում տեղադրված արտաքին լուսավորության էլեկտրասյանը։  Ինչպես դեպքի վայրից հայտնում է shamshyan.com-ը, օպերատիվորեն ժամանել են Երևանի 1-03 շտապօգնության բժիշկների հերթապահ խումբը, ովքեր տեղում առաջին բուժօգնությունն են ցուցաբերել վարորդին, սակայն վերջինս հրաժարվել է հիվանդանոց մեկնելուց՝ ասելով, որ իրեն լավ է զգում։