2025-ին Հայաստանի տնտեսական զարգացման միտումները շարունակել են մնալ դրական, արձանագրվել է 7․1 % տնտեսական աճ

2021-25 թվականներին համախառն ներքին արդյունքի միջին աճը եղել է 7․9 %, ինչն ավելին է, քան նշվել է կառավարության ծրագրում և կառավարող «Քաղաքացիական պայմանագիր» կուսակցության նախընտրական ծրագրում, մասնավորապես՝ 7 %։ 2023-25 թվականներին 2017 թվականի համեմատ համախառն ներքին արդյունքն աճել է 54 %-ով՝ կազմելով 11․3 տրիլիոն դրամ կամ 29․3 միլիարդ դոլար։ Մեկ շնչին ընկնող համախառն ներքին արդյունքն աճել է 2․4 անգամ՝ հասնելով 9500 դոլարի, իսկ տնտեսության մեջ ընդհանուր արտադրողականությունը 2017 թվականի համեմատ աճել է ավելի քան 2 անգամ՝ կազմելով 11․3 ամերիկյան դոլար՝ մարդ/ժամ։ Միևնույն ժամանակ, արտաքին առևտրաշրջանառությունը 2025 թվականին կազմել է ավելի քան 21․4 միլիարդ դոլար։ 2025 թվականին ներմուծումը եղել է 13 միլիարդ դոլար՝ 2017 թվականի համեմատ աճելով 3․2 անգամ, իսկ արտահանումը կազմել է 8․4 միլիարդ դոլար՝ 2017 թվականի համեմատ աճելով 3․8 կամ շուրջ 4 անգամ։

Բյուջետային ծրագրերի մասով նշվեց, որ նախարարության ոլորտում կան ճյուղեր, որոնք այսօր քննարկման չեն ներկայացվելու, մասնավորապես՝ գյուղատնտեսության հատվածը, և ներկայացվելու է միայն տնտեսության և զբոսաշրջության ոլորտը։ 2025 թվականին պետական բյուջեից էկոնոմիկայի նախարարությանը հատկացվել է 79․5 միլիարդ դրամ, փաստացի կատարողականը կազմել է մոտ 77 միլիարդ դրամ կամ 97․2 %, և 10 ծրագրերի շրջանակում իրականացվել է 75 միջոցառում։ Մասնավորապես՝ տնտեսության և զբոսաշրջության ոլորտին հատկացվել է 36․5 միլիարդ դրամ, որից հետագայում արտաքին և ճշտված պլանը կազմել է 34․6 միլիարդ դրամ, և ֆինանսավորվել է 34 միլիարդ դրամ։

Էկոնոմիկայի ոլորտում պետական քաղաքականության, պետական ապարատների համակարգի շրջանակում իրականացվել է օտարերկրյա պետություններում առևտրային ներկայացուցչությունների նպատակների ու խնդիրների լուծումը։ Մասնավորապես՝ առևտրային ներկայացուցչություններ կան Իրանում և Չինաստանում։ Ամենակարևոր ծրագիրը տնտեսության արդիականացման պետական միջոցառումն է, որի համար հատկացված է եղել 19,4 միլիարդ դրամ, սակայն ի վերջո ծախսվել է 22․9 միլիարդ դրամ։ Միջոցառման շրջանակում արտադրական հնարավորությունների արդիականացման և տեխնոլոգիաների ներմուծման ու խթանման նպատակով մատչելի պայմաններով վարկեր են տրամադրվում բիզնեսին. 5176 շահառու ստացել է ընդհանուր առմամբ 9451 հատ սուբսիդավորվող վարկ, որով ձեռք է բերվել 3560 միավոր մեքենա-սարքավորում և դրանց բաղկացուցիչ մասեր։

Երկրորդ առանձնացված ծրագիրը բարձր որակավորում ունեցող մասնագետների ներգրավման նպատակով տնտեսվարողների աջակցության ծրագիրն է։ Այս ծրագրով ճշգրտված բյուջեն եղել է 1․6 միլիարդ դրամ, և ի վերջո հատկացվել է 1․4 միլիարդ դրամ, որքանի կարիք որ եղել է։ Բարձր որակավորում ունեցող մասնագետների ներգրավման նպատակով նախարարության միջոցով տնտեսվարողների սուբսիդավորման միջոցառման շրջանակում աջակցություն է տրվել 36 կազմակերպության 377 բարձր որակավորում ունեցող մասնագետի։

Ներդրումների և արտահանման խթանման ծրագրով իրականացվել է 13 միջոցառում, հաստատված բյուջեն եղել է 4․7 միլիարդ դրամ, բայց ի վերջո ծախսվել է 4․9 միլիարդ դրամ։ Արտահանմանն ուղղված արդյունաբերական քաղաքականության ռազմավարությամբ ծախսվել է մոտ 388 միլիոն դրամ, որի միջոցով բիզնեսը մասնակցել է տարբեր էքսպոների, փիառ միջոցառումների, տարբեր ֆորումների և համաժողովների։ Տեքստիլ ոլորտի զարգացման նպատակով աջակցություն է տրվել տեքստիլի օպերատորին և սկսվել է դրա գործունեությունը։ Թողարկման և վարկանիշավորման պետական աջակցության ծրագրով մոտ 20․5 միլիոն դրամի աջակցություն է ստացել 7 տարբեր կազմակերպություն։ Մասնակցություն է ապահովվել Ճապոնիայի Օսակա քաղաքում տեղի ունեցած «Էքսպո 2025» միջոցառմանը, որտեղ ծախսվել է 296 միլիոն դրամ, և հայկական տաղավարն ունեցել է ավելի քան 1 միլիոն այցելու։

Պետական աջակցության միջոցով օժանդակություն է տրվել կլինիկական փորձարկումներին, կենսահամարժեքությանը, դեղերի գրանցումներին ու դրանց փորձարկումներին։ Մշակող արդյունաբերության ոլորտում աշխատողների ներգրավման պետական աջակցության ծրագրով հատկացվել է 283 միլիոն դրամ, որով աջակցություն է ստացել 637 աշխատող, որոնք առաջին անգամ են մուտք գործել մշակող արդյունաբերության ոլորտ։ Ենթակառուցվածքներում ներդրումներով մոտ 550 միլիոն դրամի աջակցություն է տրվել 3 կազմակերպության, որոնք արել են 5․5 միլիարդ դրամի ներդրում, և դրա դիմաց նրանց աջակցություն է տրամադրվել տարբեր տեսակի կապիտալ շինարարությամբ։ 

Եվրոպական միություն և մի քանի այլ երկրներ արտահանման խթանման նպատակով օժանդակություն է տրամադրվել 31 ընկերության, որոնք ստացել են 2․8 միլիարդ դրամի օժանդակություն, և դրա արդյունքում նրանք ավելի քան 15 %-ով ավելացրել են արտահանումը Եվրոպական միություն և այլ երկրներ, մասնավորապես՝ տեքստիլի, հագուստի, սննդի, խմիչքի, քյութերի, շոկոլադի և այլ ոլորտներում։ Զբոսաշրջության ոլորտում ծախսվել է 1․5 միլիարդ դրամ տարբեր ներքին ու արտաքին միջոցառումների իրականացման, կապիտալ շինարարությունների համար, և այս միջոցառումների արդյունքում զբոսաշրջության մեջ արձանագրվել է շուրջ 3 % աճ։