Ադրբեջանի տեղեկատվական դաշտում մշտապես առկա են ՌԴ-ի նկատմամբ ոչ բարեկամական նարատիվներ. Զախարովա

ՌԴ ԱԳՆ ներկայացուցիչ Մարիա Զախարովան՝ Բաքվի կողմից երեք ռուս լրագրողների նկատմամբ հետախուզում հայտարարելու արձագանքում, նշել է, որ Ադրբեջանի տեղեկատվական դաշտում մշտապես առկա են Ռուսաստանի նկատմամբ ոչ բարեկամական բնույթի նարատիվներ։

Նա նաև ընդգծել է, որ անհրաժեշտության դեպքում Ռուսաստանը կապահովի իր լրագրողների օրինական իրավունքների պաշտպանությունը՝ Ադրբեջանի գլխավոր դատախազության կողմից նրանց միջազգային հետախուզման մեջ հայտարարելու համատեքստում։

Զախարովայի խոսքով՝ Ադրբեջանի կողմից հետախուզման մեջ հայտարարված երեք ռուս լրագրողների հայտարարությունները չեն արտացոլում Մոսկվայի մոտեցումները Բաքվի հետ հարաբերությունների վերաբերյալ։

Նա հավելել է, որ Ադրբեջանի սահմանադրական կարգը բռնի կերպով տապալելու կոչերը նույնպես չեն արտացոլում Մոսկվայի դիրքորոշումը Բաքվի և Ադրբեջանի հետ հարաբերությունների հարցում։

Զախարովան ընդգծել է, որ Ռուսաստանը հույս ունի Ադրբեջանի հետ երկխոսության միջոցով բարելավել տեղեկատվական միջավայրը։