Ամերիկացի բանակցողների այցը Ռուսաստան` Կալուգայից Մոսկվա բարեկամների այցելություն չէ. Ուշակով

Ամերիկացի բանակցողներ Ստիվ Ուիթքոֆի և Ջարեդ Քուշների այցը Ռուսաստան մշակում է պահանջում. ասել է ՌԴ նախագահի օգնական Յուրի Ուշակովը։

«Այս ուղևորության վերաբերյալ այնքան հարցեր կան, կարծես խոսքը ինչ-որ տեղից՝ Կալուգայից Մոսկվա բարեկամների այցելության մասին լինի, հասկանո՞ւմ եք։ Սա չէ՞ որ լուրջ միջազգային հանդիպում է, այն նախապատրաստում և համաձայնեցում է պահանջում»,- ասել է Ուշակովը «Վեստի» տեղեկատվական ծառայության հեղինակ Պավել Զարուբինին։

ՌԴ նախագահի օգնականը նշել է, որ Կրեմլը ԱՄՆ ներկայացուցիչների այցի մասին կհայտնի այն ժամանակ, երբ այն «հստակություն ստանա»։

Ավելի վաղ ԱՄՆ նախկին նախագահ Ջորջ Բուշ կրտսերի նախկին օգնական Թոմաս Գրեհեմը կոչ էր արել ամերիկյան իշխանություններին վերադառնալ «մաքոքային դիվանագիտությանը» Ռուսաստանի հետ՝ Ուկրաինայի հակամարտության հարցում։