Իրանն արգելել է պողպատի արտահանումը

Իրանի մաքսային ծառայությունը պաշտոնական արգելք է սահմանել երկրից պողպատե արտադրանքի արտահանման վրա։

Իրանի մաքսային ծառայությունը պողպատե արտադրանքի արտահանումն արգելող հրահանգ է փոխանցել համապատասխան կառույցներին։ Որոշումը կայացվել է այն պայմաններում, երբ ԱՄՆ-ի և Իսրայելի հետ պատերազմի հետևանքով զգալի վնասներ են կրել երկրի արդյունաբերական խոշոր օբյեկտները։ Մասնավորապես, տուժել են այնպիսի մետալուրգիական հսկաներ, ինչպիսիք են «Ֆուլադ Մոբարաքե Էսֆահանը» և «Ֆուլադ Խուզեստանը»։

Ըստ պաշտոնական վիճակագրական տվյալների՝ Իրանը պողպատի արտադրության ծավալներով աշխարհում 10-րդն է։ Նախորդ տարվա ընթացքում երկրում արտադրվել է 32 միլիոն տոննա պողպատ։