![Իսրայելը մտադիր է հեղեղել ՀԱՄԱՍ-ի թունելները. WSJ](https://auroranews.am/storage/img/base_image/2023-12-05/656ebfad5d9e8.webp)
Իսրայելը մտադիր է հեղեղել ՀԱՄԱՍ-ի թունելները. WSJ
![Իսրայելը մտադիր է հեղեղել ՀԱՄԱՍ-ի թունելները. WSJ](https://auroranews.am/storage/img/base_image/2023-12-05/656ebfad5d9e8.webp)
Իսրայելը դիտարկում է Գազայի հատվածում ՀԱՄԱՍ-ի ստորգետնյա թունելների ցանցը պոմպերի միջոցով ծովի ջրով հեղեղելու հնարավորությունը, գրում է The Wall Street Journal-ը՝ վկայակոչելով ամերիկացի պաշտոնյաներին։
Պարբերականի տվյալներով՝ նոյեմբերի կեսերին մոտ իսրայելական բանակը մեծ պոմպեր է տեղադրել Ալ-Շատի փախստականների ճամբարից մոտ մեկուկես կիլոմետր դեպի հյուսիս ջուր մղելու համար։ Առնվազն հինգ պոմպերից յուրաքանչյուրը կարող է ջուր հանել Միջերկրական ծովից և ժամում հազարավոր խորանարդ մետր ջուր մղել ՀԱՄԱՍ-ի թունելներ:
Ջրհեղեղի ողջ գործընթացը կարող է տևել մեկ շաբաթ, ինչը զինյալներին և, հնարավոր է, պատանդներին թույլ կտա հեռանալ թունելներից, ասել է հրատարակության աղբյուրը։ Նա նշել է, որ այս ծրագրերի արդյունավետությունը հարցականի տակ է, քանի որ թունելների և դրանց շրջակայքի հողի ստույգ բնութագրերը անհայտ են։