Գազայի հատվածում ավելի քան 600 հազար մարդու տարհանման հրաման է տրվել, իսկ տարհանման նոր հրամանը խուճապ ու վախ է առաջացրել մարդկանց մեջ, սոցցանցերում հայտնել է Պաղեստինի փախստականների օգնության ՄԱԿ-ի գործակալությունը (UNRWA):

«Ներկայումս Գազայի հատվածում ավելի քան 600 հազար մարդու տարհանման հրաման է տրվել: Հյուսիսից մոտ 250 հազար մարդու համար սա երկրորդական տեղաշարժ է: Տարհանման հրամանը վերաբերում է ՄԱԿ-ի գործակալությունը 69 ապաստարաններին: Տարհանման հրամանը խուճապ, վախ և անհանգստություն է առաջացրել: Գազայի բնակիչների շրջանում շատերն արդեն ստիպված են եղել տարհանվել պատերազմի ժամանակ»,- հայտնում է գործակալությունը։

ՄԱԿ-ի գործակալությունը նշում է, որ իսրայելական ուժերը շարունակում են ռմբակոծությունները, և զոհերի թիվը արագորեն աճում է:

Երեքշաբթի ավելի վաղ Իսրայելի պաշտպանության բանակի խոսնակ Ջոնաթան Կոնրիկուսը քննադատել էր Գազայի հատվածում օգնություն տրամադրող կազմակերպությունները և ՄԱԿ-ի ասելով, որ գործակալությունը պետք է «վերանայի, թե ինչպես է կատարում իր աշխատանքը. 75 տարի շարունակ պահպանում է պաղեստինյան զոհերի մտածելակերպը»։