Սեպտեմբերի 1-ից Դիլիջանում աշակերտներն ու ուսանողները տրանսպորտից անվճար կօգտվեն

Օգոստոսի 3-ին տեղի ունեցած Դիլիջան համայնքի ավագանու արտահերթ նիստի ընթացքում ընդունվել է որոշում, ըստ որի՝ համայնքի տարածքում գործող բոլոր ուսումնական հաստատություններ հաճախող աշակերտների ու ուսանողների ներհամայնքային ուղևորափոխադրումների վճարների նկատմամբ կկիրառվի զրոյական դրույքաչափ, ինչի մասին տեղեկացնում են Դիլիջանի համայնքապետարանից։

Ավագանու 12 կողմ ձայնով հաստատված որոշումն ուժի մեջ է մտնելու 2026 թվականի սեպտեմբերի 1-ից։

Սույն որոշման շնորհիվ՝ նոր ուսումնական տարվա մեկնարկից Դիլիջան համայնքի քաղաքային ու գյուղական բնակավայրերից ուսումնական հաստատություններ հաճախող աշակերտներն ու ուսանողները հնարավորություն կստանան անվճար երթևեկել ներհամայնքային տրանսպորտով՝ անկախ իրենց բնակության վայրից։

Նախաձեռնության նպատակն է աջակցություն ցուցաբերել համայնքի երեխաներին և երիտասարդներին՝ նրանց տեղաշարժը դարձնելով ավելի հասանելի ու մատչելի, ինչպես նաև նպաստել կրթական գործընթացի արդյունավետ իրականացմանը։