Աշխարհի 100 խոշորագույն ընկերությունների զենքի վաճառքը 2022 թվականին նվազել է 3,5%-ով. հայտնի է պատճառը
Զենքի արտադրության 100 խոշորագույն ընկերությունների վաճառքը 2022 թվականին կազմել է 597 միլիարդ դոլար, ինչը, չնայած պահանջարկի կտրուկ աճին, 3,5 տոկոսով պակաս է, քան 2021 թվականին։ Այս մասին հայտնում է Ստոկհոլմի Խաղաղության հետազոտությունների միջազգային ինստիտուտը (SIPRI)՝ զենքի համաշխարհային առևտրի վերաբերյալ իր վերջին զեկույցում։
Ինչպես բացատրում են ինստիտուտի փորձագետները, կրճատումը հիմնականում ամերիկյան խոշոր ընկերությունների եկամուտների անկման արդյունք է։ Այնուամենայնիվ, պատվերների կուտակումը և պահանջարկի աճը հուշում են, որ վաճառքից եկամուտը զգալիորեն կավելանա առաջիկա տարիներին: Զեկույցում նշվում է նաև, որ զենքի արտադրությունը հետ է մնում պահանջարկի աճից՝ Ռուսաստանի և Ուկրաինայի միջև հակամարտության և աշխարհաքաղաքական լարվածության աճի ֆոնին, քանի որ արտադրողները չեն կարողացել բավարար չափով ընդլայնել իրենց կարողությունները, որպեսզի կարողանան հաղթահարել ավելացած ծավալը:
Բացի այդ, նոր պատվերներ են կատարվել մինչև տարեվերջ, ինչի պատճառով պահանջարկի աճը չի արտացոլվել արտադրողների 2022 թվականի եկամուտների վրա։ «Զենքի արտադրության շատ ընկերություններ դժվարացել են հարմարեցնել արտադրությունը բարձր ինտենսիվության պատերազմներին», - ասում է SIPRI-ի ռազմական ծախսերի և զենքի արտադրության ծրագրի տնօրեն Լյուսի Բերո-Սուդրոն: «Սակայն նոր պայմանագրեր են կնքվել, հատկապես զինամթերքի համար, որը. ինչպես կարելի էր ակնկալել, դա կհանգեցնի եկամուտների ավելացմանը 2023 թվականին և դրանից հետո»:
Ի տարբերություն ամերիկյան և եվրոպական զենքի խոշոր ընկերությունների, Ասիայի, Մերձավոր Արևելքի և Օվկիանիայի արտադրողները զգալիորեն ավելացրել են իրենց եկամուտները զենքի վաճառքից 2022 թվականին՝ ցուցադրելով աճող պահանջարկին արագ արձագանքելու կարողությունը: Սա հատկապես ճիշտ է այնպիսի երկրներում, ինչպիսիք են Իսրայելը և Հարավային Կորեան, որտեղ արտադրական հզորությունները պահպանվում են արձագանքող ռեժիմով և որտեղ արտադրողները ձգտում են մատակարարման կարճ շղթաների:
