Գեղարքունիքում ճանապարհաշինությանը կհատկացվի ավելի քան 814 մլն դրամ

ՀՀ կառավարության որոշմամբ Գեղարքունիքի մարզի ճանապարհաշինությանը հատկացվել է 814 միլիոն 575 հազար դրամ։

Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունը տեղեկացնում է, որ ՀՀ կառավարության 2026 թվականի օգոստոսի 6-ի նիստում որոշում է ընդունվել պետական բյուջեից 814 միլիոն 575,6 հազար դրամ տրամադրել Սևան-Մարտունի-Վարդենիս միջպետական ավտոճանապարհի 9 կիլոմետր հատվածի, ինչպես նաև 104 միլիոն 641 հազար դրամ՝ Ճամբարակ համայնքի Ծափաթաղ բնակավայրի կենտրոնական մասից (Հ․ Աբրահամյանի անվան միջնակարգ դպրոց) մինչև Հ7 հանրապետական ճանապարհ տանող 800 գծամետր հատվածի հիմնանորոգման համար։

Սուբվենցիոն ծրագրերով 4 միլիոն 711.7 հազար դրամ է հատկացվել Մարտունի համայնքի Արծվանիստ բնակավայրի մանկապարտեզի շենքի հիմնանորոգման և գույքի ձեռքբերման նպատակով։ Բացի այդ, 323 միլիոն 415.2 հազար դրամ է տրամադրվել Մարտունի, Զոլաքար, Գեղհովիտ, Լիճք, Ծակքար, Վերին Գետաշեն և Վաղաշեն բնակավայրերի փողոցների 7,8 կիլոմետր հատվածի ասֆալտապատման աշխատանքների իրականացման համար։