16:00 Լուրերը մեկ տողով. Գարեգին Բ-ի դատավարություն, միլիոնների պատմություն

 Անցած ժամվա լուրերը՝ հակիրճ և բովանդակային.

• «Ուժեղ Հայաստան» խմբակցությունը լքել է ԱԺ դահլիճը՝ մասնակցելու Գարեգին Բ-ին և վեց արքեպիսկոպոսների առնչվող դատավարությանը։

• 2026-ի առաջին կիսամյակում Քննչական կոմիտեն քննել է կոռուպցիոն բնույթի 307 քրեական վարույթ, որոնցից 21-ը՝ 47 անձի վերաբերյալ, ուղարկվել է դատարան։

• Միներալնիե Վոդիի օդանավակայանում կանխվել է մոտ 16 միլիոն ռուբլու ապօրինի արտահանումը Հայաստան, գումարն առգրավվել է։

• Սեպտեմբերի 1-ից Դիլիջանի աշակերտներն ու ուսանողները ներհամայնքային տրանսպորտից կօգտվեն անվճար։

• Դոնալդ Թրամփը հայտարարել է, որ ԱՄՆ-ը չպետք է Չինաստանին զիջի առաջատար դիրքերը արհեստական բանականության և կրիպտոարժույթների ոլորտներում։

• Թրամփի վարչակազմը կարող է խստացնել վիզաների տրամադրման կարգը՝ ընդլայնելով դիմորդների սոցիալական ցանցերի հաշիվների ստուգումը։

• Վլադիմիր Պուտինը օգոստոսի 7-ին օպերատիվ խորհրդակցություն է անցկացրել Ռուսաստանի Անվտանգության խորհրդի մշտական անդամների հետ։

• Ռուսաստանի ԱԳՆ ներկայացուցիչը հայտարարել է, որ երկիրը պետք է պատրաստ լինի երկարատև ռազմական գործողությունների՝ Ուկրաինայի հակամարտության արագ կարգավորումը քիչ հավանական համարելով։