Գավին մազերը վարդագույն է ներկել Իսպանիայի՝ ԱԱ-2026-ում հաղթանակի պատվին

«Բարսելոնայի» և Իսպանիայի հավաքականի կիսապաշտպան Գավին փոխել է իր ոճը՝ կատարելով Աշխարհի 2026 թվականի առաջնության ժամանակ տված խոստումը։

22-ամյա իսպանացին մազերը վարդագույն է ներկել և նոր կերպարով լուսանկարը հրապարակել սոցիալական ցանցերում։

«Խոսքի տեր մարդ»,- լուսանկարը մակագրել է ֆուտբոլիստը։

Իսպանիայի հավաքականն իր պատմության մեջ երկրորդ անգամ դարձել է աշխարհի չեմպիոն՝ ԱԱ-2026-ի եզրափակչում լրացուցիչ ժամանակում 1։0 հաշվով հաղթելով Արգենտինային։ Հանդիպման միակ գոլը 106-րդ րոպեին խփել է Ֆերան Տորեսը։

Գավին մրցաշարում մասնակցել է երկու հանդիպման՝ աչքի չընկնելով գոլով կամ գոլային փոխանցմամբ։

Ավելի վաղ իր խոստումն էր կատարել նաև Իսպանիայի հավաքականի պաշտպան Մարկ Կուկուրելյան՝ դաջվածք անելով թիմի գլխավոր մարզիչ Լուիս դե լա Ֆուենտեի պատկերով։

Գավիի՝ «Բարսելոնայի» թիմակիցներ Պեդրին և Լամին Յամալը նույնպես հրապարակային խոստումներ էին տվել․ Պեդրին խոստացել էր մազերը շիկահեր ներկել, իսկ Յամալը՝ մորուք պահել։