Եկատերինբուրգում ԱԹՍ-ների հարձակումից հետո հրդեհ է բռնկվել Wildberries-ի պահեստում

Եկատերինբուրգում Wildberries ընկերության պահեստում հրդեհ է բռնկվել ԱԹՍ-ների հարձակումից հետո։ Տեղեկությունը հաստատել է RWB ընկերության մամուլի ծառայությունը։

Ընկերության հաղորդմամբ՝ պահեստի բոլոր աշխատակիցները նախապես տարհանվել են, իսկ տուժածների մասին տեղեկություններ չկան։

Նշվում է նաև, որ մատակարարումների ընդունումը ժամանակավորապես սահմանափակվել է, իսկ բեռներն ուղարկվում են ընկերության այլ պահեստներ։

Միաժամանակ ռուսական և ուկրաինական Telegram-ալիքները հայտնում են, որ թիրախը եղել է Wildberries-ի պահեստը։ Նրանց տվյալներով՝ Եկատերինբուրգը գտնվում է Ուկրաինայի սահմանից ավելի քան 2 հազար կմ հեռավորության վրա։