Կատարի ԱԳՆ-ն հաստատել է` Գազայի հատվածում հրադադարը կերկարաձգվի
Կատարի ԱԳՆ-ն հայտարարել է, որ պայմանավորվածություն է ձեռք բերվել Գազայի հատվածում Իսրայելի և պաղեստինյան ՀԱՄԱՍ շարժման միջև հումանիտար զինադադարը երկու օրով երկարաձգելու մասին։
«Կատարի պետությունը` որպես շարունակվող միջնորդական առաքելության մաս, հայտարարում է, որ պայմանավորվածություն է ձեռք բերվել երկու օրով երկարաձգելու հումանիտար հրադադարը Գազայի հատվածում»,- սոցցանցում հայտնել է Կատարի ԱԳՆ խոսնակ Մաջիդ ալ Անսարին։
Նա ավելի վաղ գրել էր X սոցիալական ցանցի իր միկրոբլոգում, որ միջնորդները ձգտում են երկարաձգել հրադադարը Գազայի հատվածում, որպեսզի ազատեն ավելի շատ իսրայելցի պատանդների, որոնք պահվում են այդ գոտում և ապահովեն ավելի շատ մարդասիրական օգնություն անկլավին:
