Քանի լրագրող է զոհվել Պաղեստինա-իսրայելական հակամարտության սրման սկզբից ի վեր

Լրագրողների պաշտպանության կոմիտեն հաստատել է Գազայում պատերազմի սկսվելուց ի վեր 57 լրագրողների և լրատվամիջոցների աշխատակիցների մահը, հայտնում է Tasnim գործակալությունը:

Կոմիտեի տվյալներով՝ զոհվածների թվում 50-ը պաղեստինցի են եղել, 3-ը՝ լիբանանցի։ Բացի այդ, 19 լրագրող էլ կալանքի տակ է:

Կոմիտեն ակտիվորեն հետաքննում է բազմաթիվ չհաստատված հաղորդումներն այն մասին, որ լրագրողները բռնության կամ սպառնալիքների են բախվել՝ ընդգծելով նրանց քաղաքացիական կարգավիճակը հակամարտությունների ժամանակ:

Լրագրողների արհմիությունները կոչ են արել ՄԱԿ-ի Գլխավոր քարտուղարին և լրագրողների միջազգային ֆեդերացիայի նախագահին ամուր դիրքորոշում որդեգրել Պաղեստինում լրագրողների պաշտպանության հարցում: