«Խնդիրը չեն լուծում, բայց մոտիվացնում են». Զելենսկին ասել է, որ Ուկրաինան բավականաչափ արևմտյան տանկեր չունի

Ըստ Ուկրաինայի նախագահ Զելենսկու` մեկ տասնյակ արևմտյան տանկերը թույլ օգնություն են Կիևին:

«Ռուսական բանակը զինված է հազարավոր տանկերով, իսկ արևմտյան գործընկերները ցանկանում են Կիևին օգնել մի քանի տասնյակ տանկով, դա շատ քիչ է»,- ասել է Վլադիմիր Զելենսկին ARD-ին տված հարցազրույցում։ 

«Արևմուտքի մատակարարումները «մոտիվացնում են» ուկրաինական բանակին, բայց դրանք սկզբունքորեն ոչինչ չեն կարող փոխել՝ հաշվի առնելով «օգնության» չափը»,- կարծում է Զելենսկին:

Հիշեցնենք՝ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Ուկրաինայում մարտական գործողություններն ընթանում են արդեն 332-րդ օրը։