«Կզցնելու եմ», «պիղծ»-ը վիրավորանք չեն, «սրիկայաբարը»՝ վիրավորանք է․ ինչու Ռուբինյանը չընդհատեց Փաշինյանին

Աժ նախագահ Ռուբեն Ռուբինյանն այսօր պարզաբանել է, թե ինչու նախօրեին որևէ կերպ չընդհատեց Նիկոլ Փաշինյանին, ով ԱԺ ամբիոնից խախտել էր Ռուբինյանի հայտարարած բարեվարքության կանոնն ու ընդդիմությանը ասել, թե «կզցնելու է»։ 

Ռուբինյանը պնդեց, որ Փաշինյանն այդ արտահայտությամբ ոչ ոքի չվիրավորեց։ «Ոչ ոքի հասցեական վիրավորանք չհասցրեց, ի տարբերություն ընդդիմադիր գործիչների, որոնք մի քանի անգամ վիրավորական արտահայտություններ են, նույնիսկ անեծքի պաշտոնական բացում են արել, երբ «Ուժեղ Հայաստան» խմբակցության անունից ելույթ ունեցողը Աժ ամբիոնից պաշտոնապես անիծեք մեզ և մեր սերուդներին»։ 

Դիտարկմանը, թե հասցեական չէ, երբ Փաշինյանը վեհափառին «պիղծ» է անվանում, մինչդեռ օրինակ Էդգար Ղազարյանի հայտարարությունը շատ ավելի վերացական էր՝ Ռուբինյանը շարունակեց պնդել, թե Փաշինյանի ասածը կոնտեքստի մեջ էր։ «Դրա ինչն էր վիրավորանք, դա վիրավորանք չէր, գնահատական էր մի մարդու ով աստծո առաջ ուխտ է տվել չզբաղվել անառակությամբ և զբաղվել է պղծությամբ։ Մինչդեռ, սրիկայաբար բառը գնահատական չի, վիրավորանք է »։