ՏԵՍԱՆՅՈՒԹ. Wildberries-ի պահեստում բռնկված հրդեհից հետո Կոտովսկում իրավիճակը սրվել է. կոչ է արվել չլքել բնակարանները

Կոտովսկի բնակչությանը կոչ է արվել չլքել բնակարանները Wildberries-ի պահեստում բռնկված հրդեհի հետևանքով ածխածնի մոնօքսիդով թունավորումը կանխելու նպատակով։

ԱԹՍ-ի հարձակման հետևանքով գիշերային ժամերին սկսված հրդեհի պատճառով Կոտովսկի բնակիչներին խնդրել են մնալ տանը, որպեսզի խուսափեն ածխածնի մոնօքսիդով թունավորվելուց։

Քաղաքապետ Ալեքսեյ Պլախոտնիկովը նշել է. «Wildberries պահեստային համալիրում ուժեղ հրդեհ, ծուխ և մշուշ արագ տարածվում են ամբողջ քաղաքում: Ածխածնի մոնօքսիդով թունավորումից և այրման արգասիքներից խուսափելու համար ես խստորեն կոչ եմ անում ձեզ զերծ մնալ քաղաքում ակտիվ տեղաշարժից հաջորդ երկու օրերի ընթացքում»։

Ալեքսեյ Պլախոտնիկովը հորդորել է քաղաքացիներին չբացել պատուհաններն ու պատշգամբները, ինչպես նաև օգտվել սննդի և առաջին անհրաժեշտության ապրանքների առաքման ծառայություններից։