ԱԺ էթիկայի հանձնաժողովի կազմը հաստատվել է

Ազգային ժողովի նախագահ Ռուբեն Ռուբինյանը օգոստոսի 21-ին որոշում է ստորագրել, որով հաստատվել է պատգամավորական էթիկային առնչվող հարցերով Ազգային ժողովի ժամանակավոր հանձնաժողովի կազմը, որոշումը զետեղված է ԱԺ կայքում։

Ազգային ժողովի էթիկայի հանձնաժողովի նախագահն է «Քաղաքացիական պայմանագիր» խմբակցության պատգամավոր Մարիա Կարապետյանը, նախագահի տեղակալն է «Ուժեղ Հայաստան» խմբակցության պատգամավոր Լիաննա Գասպարյանը։ Անդամներն են՝ ՔՊ-ից Զարուհի Բաթոյանը, Մարիամ Պողոսյանը, Արման Եղոյանը, Վիլեն Գաբրիելյանը, «Ուժեղ Հայաստան»-ից՝ Մամիկոն Ասլանյանը և Հարություն Հարությունյանը, Աղվան Վարդանյանն ու Լիլիթ Գալստյանը՝ «Հայաստան» դաշինքից։

«Քաղաքացիական պայմանագիր» խմբակցության փոխարինող անդամներն են՝ Տիգրան Գալստյան, Սարգիս Խանդանյան, Սիսակ Գաբրիելյան, Արուսյակ Ջուլհակյան և Ալխաս Ղազարյան, «Ուժեղ Հայաստան» խմբակցությունից փոխարինող անդամներն են՝ Դավիթ Ղազինյան, Արեգա Հովսեփյան, Հայկ Ֆարմանյան, «Հայաստան» խմբակցությունից՝ Գեղամ Մանուկյան, Արթուր Խաչատրյան։

Հիշեցնենք, որ Ռուբեն Ռուբինյանի որոշմամբ ստեղծվել է պատգամավորական էթիկային առնչվող հարցերով Ազգային ժողովի ժամանակավոր հանձնաժողով, որի գործունեության ժամկետը երկու տարի է։

Հիշեցնենք, որ հանձնաժողովի կազմում ընդգրկված Վիլեն Գաբրելյանը 8-րդ գումարման Ազգային ժողովի պատգամավորի մանդատը վայր էր դրել Գյումրիում իր և լրագրողների հետ տեղի ունեցած միջադեպից հետո, նրա գրառման մեջ նշված էր․ «Գյումրի քաղաքում իմ մասնակցությամբ այսպես ասած միջադեպերը համարում եմ ոչ վայել Հայաստանի Հանրապետության Ազգային Ժողովի պատգամավորի վարքին: ԱԺ պատգամավորն իր առաքելությունում պարտավոր է չդրսևորել անհարկի վարքագիծ»։