Միացյալ Նահանգների վարչակազմը մտադիր չէ Ուկրաինային ամերիկյան F-16 կործանիչներ մատակարարել
Միացյալ Նահանգների վարչակազմը մտադիր չէ Ուկրաինային ամերիկյան F-16 կործանիչներ մատակարարել: Այս մասին հայտարարել է ԱՄՆ նախագահ Ջո Բայդենը՝ Սպիտակ տան տարածքում պատասխանելով լրագրողների հարցերին։Նրան հարցրել են՝ արդյոք Վաշինգտոնը նախատեսում է F-16 ինքնաթիռներ ուղարկել Կիև։ «Ոչ», - Բայդենի խոսքը մեջբերում է Սպիտակ տան մամուլի ֆոնդը։
Նշենք, որ անցյալ շաբաթ ԱՄՆ իշխանությունները հայտարարեցին Կիև 31 M1 Abrams տանկ տեղափոխելու մտադրության մասին։
Իր հերթին, Գերմանիայի կառավարությունը հաստատել է, որ Ուկրաինային կուղարկի 14 Leopard 2 տանկ Գերմանիայի զինված ուժերի պաշարներից և թույլտվություններ կտրամադրի այլ երկրներ վերաարտահանման համար։
Ուկրաինա տանկեր տեղափոխելու մտադրություններ են գրանցվել նաև Մեծ Բրիտանիայում, Նորվեգիայում, Լեհաստանում, Սլովակիայում և Ֆրանսիայում: Դրանից հետո Ուկրաինայի նախագահ Վլադիմիր Զելենսկին պնդեց, որ Ուկրաինային անհրաժեշտ է «ընդլայնել համագործակցությունը» և ստանալ արևմտյան երկրներից հեռահար հրթիռներ և մարտական ինքնաթիռներ։
