Երկու մարդու կյանք խլած ձմերուկը կարող էր թունավորված լինել ախտահանման ժամանակ․ ՌԴ Քննչական կոմիտեն տեսանյութ է տարածել

Մոսկվայում ձմերուկի թունավորման գործով հետաքննության առաջնահերթ վարկածներից է խանութում ախտահանման աշխատանքի ոչ ճիշտ կազմակերպումը։ Ռուսաստանի Քննչական կոմիտեն տեսանյութ է հրապարակել՝ ցուցադրելով, թե ինչպես է իրականացվել ախտահանումը։

Ավելի վաղ հայտնել էինք, որ Մոսկվայի քննչական կոմիտեն քրեական գործ է հարուցել տարեց կնոջ և երեխայի մահից հետո, որոնք, ենթադրաբար, թունավորվել են ձմերուկ ուտելուց: