Քիչ առաջ Երևան-Երասխ ավտոճանապարհի Փոքր Վեդի վարչական տարածքում մի քանի գյուղի բնակիչ խաղողի մթերման խնդրի պատճառով ի նշան բողոքի, փակել էին ճանապարհը, գրում է shamshyan.com-ը։

Բողոքի ակցիայի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները:

Նրանք, լսելով գյուղացիների խնդիրը, ավելի ուշ այդ մասին տեղեկացրել են մարզպետարանին, որտեղից խոստացել են, որ խնդրին կծանոթանան։

Ավելի ուշ բողոքի ակցիայի մասնակիցները բացել են ճանապարհը՝ տեղեկացնելով, որ եթե մարզպետարանն ու կառավարությունը իրենց խնդրին լուծում չտան, ավելի երկար ժամանակով են փակելու ճանապարհը։