Արարատում ավտոբուսի վթարի հետևանքով կա 27 վիրավոր․ ԱԻՆ

Այսօր՝ սեպտեմբերի 2-ին, խոշոր ավտովթար է տեղի ունեցել Արարատի մարզում։ Ժամը 08։30-ի սահմաններում Արտաշատ քաղաքի բնակիչ՝ 62-ամյա Սերժիկ Գրիգորյանը իր վարած FAV մակնիշի ավտոբուսով Բյուրավան-Մխչյան գյուղամիջյան ճանապարհին դուրս է եկել ճանապարհի երթևեկելի գոտուց և բախվել ծառին։ 

Auroranews-ը կապ հաստատեց ՀՀ ԱԻն, որտեղից հայտնեցին, որ վիրավորների թիվը 27-ն է։ Ըստ տեղեկության՝ ավտոբուսում եղել են նաև ուսանողներ։ Վիրավորները տարբեր աստիճանի մարմնական վնասվածքներով տեղափոխվել են Արտաշատի և Երևանի տարբեր հիվանդանոցեր։