Նոր-Զովք խանութների ցանցերից մեկում աշխատակիցները թունավորվել են քիմիական նյութի հոտից
Քիչ առաջ Auroranews-ը ահազանգ ստացավ քաղաքացիներից, որ Վ․ Փափազյան փողոցի վրա գտնվող «Նոր -Զովք» խանութների ցանցերից մեկում աշխատակիցները թունավորվել են քիմիական նյութի հոտից։ Ըստ տեղեկությունների՝ խանութը հոսանքազրկվել է և լույս ապահովելու նպատակով աշխատակիցները միացրել են արհեստական էլեկտրական շարժիչ, ինչի անսարքության պատճառով էլ թունավորվել են աշխատակիցները։
Մեզ հասած տեղեկություններով՝ ժամանել են շտապօգնության ծառայության մի քանի մեքենաներ և առաջին օգնություն ցուցաբերել աշխատակիցներին։
Auroranews-ը կապ հաստատեց ՀՀ ԱԻՆ, որտեղից մեզ ասացին, որ նման ահազանգ չեն ստացել։
«Նոր -Զովք» խանութների ցանցից մեզ հայտնեցին, որ նման միջադեպ գրանցվել է և բոլոր աշխատակիցներին տեղափոխել են հիվանդանոց՝ բուժզնման։
«Հիմա արդեն ամեն բան նորմալ է, աշխատակիցները իրենց լավ են զգում»,-ասացին խանութից։
