Պապոյանն այցելել է տարեկան 1100 տոննա ձուկ արտադրող ընկերություն

Հայաստանի Հանրապետության էկոնոմիկայի նախարար Գևորգ Պապոյանը գնացել է ձկնաբուծական բնագավառի առաջատար ձեռնարկություններից մեկը։

Նախարարն այս մասին հայտնել է «Ֆեյսբուք» սոցիալական ցանցի իր էջում՝ նշելով, որ ձկնաբուծարանը տարածվում է 6.5 հեկտարի վրա և ապահովում 60 աշխատատեղ։

«Այցելեցի «ԻՆՏԵՐ ԱԿՎԱ» ՍՊԸ, որը ձկնաբուծության ոլորտի առաջատար ընկերություններից է։ Տարեկան արտադրական ծավալը կազմում է շուրջ 1 100 տոննա։ Աճեցվում են բելուգա, ստերլետ, սիբիրյան թառափ, ծիածանափայլ իշխան, կարմրախայտ և գեղարքունի տեսակի ձկներ։ ։ Այցի ընթացքում քննարկվել են ոլորտի զարգացման հեռանկարները, արտադրության ընդլայնման և դեպի ԵՄ արտահանման հնարավորությունները։»