Մոսկվա–Գյումրի չվերթը վայրէջքից առաջ երկար մանևրել է Հայաստանի երկնքում
Ռուսական «Պոբեդա» ավիաընկերության՝ Մոսկվա–Գյումրի երթուղով կանոնավոր թռիչք իրականացնող օդանավը վայրէջքից առաջ մի քանի մանևր է արել Հայաստանի օդային տարածքում գրում է Սպուտնիկ Արմենիան։
Թռիչքներին հետևող ծառայությունների տվյալներով՝ Գյումրու օդանավակայանին մոտենալիս օդանավը փոխել է կուրսը դեպի Երևան, որից հետո որոշ ժամանակ պտտվել է Հայաստանի տարածքում՝ հասնելով գրեթե մինչև Թուրքիայի սահման: Այնուհետև ինքնաթիռը կրկին ուղղվել է դեպի Գյումրի։ Օդանավը կարճ ժամանակով կորել է ռադարներից, ինչից հետո բարեհաջող վայրէջք է կատարել օդանավակայանում:
«Պոբեդա» ավիաընկերությունից պարզաբանել են, որ օդանավի հետագծի փոփոխության պատճառը եղել են անբարենպաստ եղանակային պայմանները։
«Ամեն ինչ նորմալ է։ Աշխատանքային իրավիճակ է եղել։ Օդերևութաբանական պայմանները հարմար չեն եղել վայրէջք կատարելու համար»։
«Պոբեդան» («Աերոֆլոտ» խմբի մաս) Ռուսաստանից Գյումրի ուղիղ չվերթեր է իրականացնում 2016 թվականից։
Նմանատիպ հոդվածներ
Ավելին Հասարակություն բաժնից
Դուբայի կենտրոնում պայթյունների ձայներ են լսվել
SPF, ջուր և ճիշտ ժամեր․ ՀՎԿԱԿ-ը ներկայացրել է անվտանգ արևայրուքի կանոնները
Նիդերլանդները պայքարում են ջրի պակասի դեմ. գործի են դրվել արտակարգ միջոցներ
