ՌԴ-ում վառելիքի մատակարարման խափանումները կարող են թանկացնել բեռնափոխադրումների սակագները

Ռուսաստանում վառելիքի մատակարարման խափանումները սկսել են ազդել ավտոբեռնափոխադրումների վրա, ինչի հետևանքով փոխադրողները զգուշացնում են հուլիսի 1-ից սակագների բարձրացման մասին, հայտնում է Կոմերսանտը։ Ամենամեծ խնդիրները գրանցում են երկրի հարավում, իսկ Չինաստանի ուղղությամբ նվազել են օրական անցած ճանապարհը, չվերթների հաճախականությունը և կանխատեսելիությունը, մինչդեռ լցակայաննդրում սպասելու ժամանակը հասնում է մի քանի օրվա։

Լոգիստիկ Sigma ընկերության տվյալներով՝ մի շարք փոխադրողներ հայտարարել են, որ սակագնները կբարձրանան 10%-ով հուլիսի 1-ից։  

VIG Trans-ը հայտարարում է, որ ներքին փոխադրումների սակագները դեռևս համեմատաբար կայուն են, սակայն Սիբիրում, Ռուսաստանի հարավում և սահմանամերձ որոշ շրջաններում արդեն իսկ արձանագրվում են վառելիքի մատակարարման խափանումներ։

Բայթ Տրանզիտը նշում է, որ դժվարություննե առաջացել են Ղրիմում և հարավային մյուս շրջաններում։ Բեռնափոխադրումների ժամկետները կարող են երկարաձգվել՝ լցակայաններում մեծ հերթերի հետևանքով։

AKFA-ն տեղեկացնում է, որ միայն վերջին շաբաթվա ընթացքում Չինաստանի ուղղությամբ մեկ բեռնատարի փոխադրման արժեքը աճել է 50-70 հազար ռուբլով՝ 760-830 հազար ռուբլի բազային սակագնի համեմատ։