Փոխարտգործնախարարը` հնարավոր էսկալացիայի մասին
Հայաստանը իրականացնում է գետնի վրա դիվանագիտական համապատասխան գործողություններ, որպեսզի թույլ չտանք հետագա էսկալացիաներ: Այս մասին այսօր Գորիսում հայտնել է փոխարտգործնախարար Վահան Կոստանյանը, պատասխանելով հարցին, թե արդյոք հայկական կողմը էսկալացիայի վտանգ տեսնո՞ւմ է:
«Կրակոցները վստահաբար չեն օգնում ընդհանուր իրավիճակին, հատկապես հաշվի առնելով, որ Հայաստանը միտված է կարգավորել հարաբերությունները Ադրբեջանի հետ», - նշել է փոխարտգործնախարարը:
Հավելենք, որ ավելի քան 2 ամիս ադրբեջանական զինուժը կրակում է Սյունիքի սահամանմերձ գյուղերի ուղղությամբ ՝ թիրախավորելով նաև բնակելի տները:
