Ոստիկանապետ Արամ Հովհաննիսյանն ազատվել է պաշտոնից
Արամ Հովհաննիսյանն ազատվել է ոստիկանության պետ-ներքին գործերի նախարարի տեղակալի պաշտոնից և ոստիկանությունում ծառայությունից. որոշումը ստորագրել է վարչապետ Նիկոլ Փաշինյանը։ Այս մասին հայտում են ՀՀ կառավարությունից:
«Ղեկավարվելով «Ոստիկանությունում ծառայության մասին» օրենքի 13-րդ հոդվածի 2-րդ մասով, 45-րդ հոդվածի 1-ին մասի 1.1-ին կետով և 2-րդ մասով, ինչպես նաև «Հանրային ծառայության մասին» օրենքի 9-րդ հոդվածի 7-րդ մասով՝ Արամ Հովհաննիսյանին ազատել ոստիկանության պետ-ներքին գործերի նախարարի տեղակալի պաշտոնից և ոստիկանությունում ծառայությունից»,- ասված է վարչապետի որոշման մեջ:
Հիշեցնենք, որ Արամ Հովհաննիսյանն այդ պաշտոնին նշանակվել էր 2023 թ. հունվարի 9-ին, մինչ այդ՝ 2020-2023 թթ. եղել է ՀՀ ոստիկանության պետի առաջին տեղակալ:
