Ադրբեջանի Շամախի շրջանի Մելիքչոբանլի գյուղում հարսանեկան խնջույքի ժամանակ հյուրերի զանգվածային թունավորում է տեղի ունեցել, հայտնում են տեղի լրատվամիջոցները:

Նախնական տվյալներով՝ հարսանիքին ներկա գտնվողներից 21 հոգի սուր թունավորում ախտորոշմամբ տեղափոխվել է շրջանային կենտրոնական հիվանդանոց։ Շուրջ 10 քաղաքացի շտապ հոսպիտալացվել է շտապօգնության մեքենաներով, իսկ մնացած թունավորվածներն ինքնուրույն են դիմել բժշկական օգնության։

Նախնական տվյալները ցույց են տալիս, որ թունավորման պատճառը կարող էր լինել տոնակատարության ժամանակ մատուցված հարսանեկան տորթը։

Փաստի առթիվ կատարվում է հետաքննություն։