Հարավային Կորեայի նախագահը վաճառել է իր միակ բնակարանը

Հարավային Կորեայի նախագահ Լի Չժե Մյոնը վաճառել է իրեն և կնոջը համատեղ պատկանող միակ բնակարանը՝ հայտարարելով, որ այժմ այլևս սեփական բնակարան չունի։

Yonhap գործակալության փոխանցմամբ՝ Սոննամ քաղաքում գտնվող 164 քմ մակերեսով բնակարանը վաճառվել է 2,9 միլիարդ հարավկորեական վոնով (մոտ 1,9 մլն ԱՄՆ դոլար)։

«Այժմ ես տուն չունեմ»,- կառավարության նիստի ժամանակ ասել է Լի Չժե Մյոնը։

Նա դեռ փետրվարին էր վաճառքի հանել բնակարանը՝ նպատակ ունենալով բարձրացնել հանրության վստահությունը իշխանությունների բնակարանային քաղաքականության նկատմամբ։ Կառավարությունը խրախուսում է քաղաքացիներին վաճառել դատարկ ներդրումային անշարժ գույքը՝ բնակարանային ֆոնդն ավելացնելու և շուկայում սպեկուլյացիաները նվազեցնելու համար։

Վաճառված բնակարանը Լի Չժե Մյոնին և նրա կնոջը՝ Կիմ Հե Գյոնին, պատկանում էր 1998 թվականից։ Այժմ նախագահական զույքը բնակվում է Սեուլի Հաննամդոն թաղամասում գտնվող պաշտոնական նախագահական նստավայրում։

Լի Չժե Մյոնը Հարավային Կորեայի նախագահ է ընտրվել այս տարվա հունիսին։ Ընտրություններից հետո նա հայտարարել էր, որ կողմ է Ռուսաստանի և Չինաստանի հետ հարաբերությունների բարելավմանը։