Telegram-ով 400 դոլարով թմրանյութ էր գնել. տղամարդը ձերբակալվել է

Համայնքային ոստիկանության Դավթաշենի բաժնի ծառայողները շրջայցի ընթացքում Դավթաշենի գերեզմանատան հարակից տարածքում կասկածելի վարք դրսևորող վարորդի են նկատել։ Երբ ոստիկանները մոտեցել են, նա մեքենայից ստվարաթղթե տուփ է նետել։

ՆԳՆ ոստիկանության փոխանցմամբ՝ թմրամիջոց ապօրինի պահելու և իրացնելու կասկածանքով տղամարդը ձերբակալվել է և «Կիա» մակնիշի ավտոմեքենայով տեղափոխվել բաժին։

Նա հայտնել է, որ նետած տուփում եղել է ընդհանուր 210 գրամ մեթամֆետամին պարունակող չորս փաթեթ։ Տղամարդու խոսքով՝ թմրանյութը 400 դոլարով ձեռք է բերել Telegram-ի ալիքի միջոցով՝ այն տարբեր վայրերում տեղադրելու, տեղադրման վայրը լուսանկարելու և կոորդինատներն օգտատիրոջը փոխանցելու նպատակով։

Դեպքի առթիվ Աջափնյակ և Դավթաշեն վարչական շրջանների քննչական բաժնում նախաձեռնվել է քրեական վարույթ։ Տղամարդու նկատմամբ հարուցվել է հանրային քրեական հետապնդում, իսկ դեպքի բոլոր հանգամանքները պարզվում են։