11:00 Լուրերը մեկ տողով. Գագիկ Ծառուկյանի հայտարարությունը. Թրամփի կոշտ սպառնալիքը Իրանին

Անցած ժամվա լուրերը՝ հակիրճ և բովանդակային.

•Հայաստանի չեմպիոն «Արարատ-Արմենիա»-ն Չեմպիոնների լիգայի որակավորման փուլում հաղթահարել է լատվիական «Ռիգա»-ի արգելքը։

•Կալանքի տակ գտնվող Գագիկ Ծառուկյանն անարդար է որակել իր նկատմամբ հարուցված գործը և դատապարտել իր ձեռնարկությունների աշխատանքի կասեցումը։


•ԱՄՆ նախագահը սպառնացել է հարվածել Իրանի էներգետիկ համակարգին և կամուրջներին, եթե Թեհրանը մոտ ժամանակում չհամաձայնի նոր գործարքի։

•Իրանը պատժամիջոցների չեղարկման կարճ ժամանակահատվածում հասցրել է վաճառել ավելի քան 6 միլիարդ դոլարի նավթամթերք։

•Գերմանիան որոշել է չմասնակցել Լեհաստանում կայանալիք Ուկրաինային աջակցող դաշնակիցների կոալիցիայի առաջին զինվորական զորավարժություններին։

•Կամչատկայի ափերի մոտ 6 րոպեի տարբերությամբ երկու ուժգին երկրաշարժ է գրանցվել՝ 6 և 5.7 մագնիտուդ ուժգնությամբ։

•Սոչիում տեղատարափ անձրևների հետևանքով գետերը դուրս են եկել ափերից՝ հեղեղելով փողոցներն ու կաթվածահար անելով երթևեկությունը։