12:00 Լուրերը մեկ տողով. Արձագանք Սերժ Սարգսյանի գրասենյակից, բողոքի ակցիա Երևանում

Անցած ժամվա լուրերը՝ հակիրճ և բովանդակային.

•ՀՀ երրորդ նախագահի գրասենյակն արձագանքել է Արցախի հարցով բանակցություններին իր մասնակցության մասին գործարար Տիգրան Արզաքանցյանի հայտարարություններին։

•Կասեցված գործարանի աշխատակիցները բողոքի ակցիա են իրականացրել՝ պահանջելով բացել աշխատավայրն ու սպառնալով անցնել կտրուկ քայլերի։

•Դատարանը մերժել է 19-ամյա վարորդի տնային կալանքը երկարաձգելու միջնորդությունը՝ փոխարենը կիրառելով վարչական վերահսկողություն։

•Ռուսաստանը Ուկրաինային մեղադրել է ահաբեկչության մեջ, մինչդեռ Կիևը հայտարարել է Ազովի ծովում վերջին օրերին ռուսական 116 նավ խոցելու մասին։

•Մեծ Բրիտանիայի ԱԳՆ է կանչվել Իրանի հավատարմատարը՝ Եվրոպայում տեղի ունեցած հարձակումներին Թեհրանի ենթադրյալ առնչության պատճառով։

•Իրանի հարավային շրջաններին ԱՄՆ-ի հասցրած օդային հարվածների հետևանքով զոհվել է առնվազն 30 խաղաղ բնակիչ, կան հարյուրավոր վիրավորներ։